超勁蝦蟹粥

呢個蝦蟹粥既做法係古古向一位媽媽級既水上人偷師。。。她煮過一次給我食，magic key係 大。。頭。。菜，真係好好味。咁正既野當然同大家分享

材料
新鮮大蝦 半斤
蟹 兩只 (今次用帶膏的，味道更濃郁)
大頭菜 約三至五元
冬菜
薑絲
粥底

米先浸水約一小時，加少許鹽和油浸米可使㷛出來的粥更綿。粥底煮好備用。

大蝦洗淨剪去腳和頭的前段以方便食用，蟹刷乾淨劏好備用。大頭菜洗淨切碎，冬菜先浸水再洗淨。

將大頭菜，冬菜，一半薑絲加進粥底煮十分鐘，再下所有蝦和蟹同煮至全熟，加入餘下的薑絲即成。